fbpx

Orpigaq

 

Vær den første til at bedømme!

Orpigaq suua?

Orpigaq meeqqanut inuusuttunullu avatangiisiminnut naleqqutinngitsumik pissuseqartunut aamma inuuniarnikkut timikkut tarnikkullu unammillissuteqangaatsiartunut isumaginninnermik piorsaanermillu najugaqarfiuvoq. Najugaqarfik Kangerlussuarmiippoq.

Kalaallit Nunaanni meeqqat inuusuttullu inersimasutut inuuneqalernissaat tassa nammineq najugaqalernissaat imminnullu isumagisinnaanngornissaat sapinngisamillu ilinniagaqalernissaat aamma imaluunniit suliffeqalernissaat pillugu ulluinnarni toqqissisimasumik avatangiiseqarlutik angerlarsimanermik misigisimanissaat isumalluutiminnillu ineriartortitsisinnaanissaat neqeroorutigalugu inuuniarnikkut ajornartorsiutit pinaveersaartinneqarnissaat ikilisinnissaallu najugaqarfiup siunertaraa.

Sullinniakkat

Meeqqat inuusuttullu 10-init 18-inut ukiullit naliliinikkut innersuussutigineqartut najugaqarfimmi sullinniarneqarput. Inuusuttut ineriartornissamut ilippanaateqartut piffissamilu sivisuumi inersimasumit tapersersorneqarnissamik, ikiorneqarnissamik, akuutinneqarnissamik ilusilersuisoqarnissaanillu annertuumik iluaqutigisinnaasaminnik pisariaqartitsisut nalinginnaasumik sullinniarneqarput.

Sullinniakkat tassaapput inuusuttut avatangiisiminnut naleqqutinngitsumik sakkortuumillu pissuseqartut ingerlalluanngitsorujussuusullu. Orpigap inuusuttut perorsaanermi tarnikkullu killissap nalaaniittut, katsorsartinnissaminnut pisariaqartitsiffimminniittut tigusarpai.

Sullinniakkat ima ilisarnaateqarput

  • Isumassorneqarnermik sumiginnagaangaatsiarsimaneq tassungalu inuiaqatigiinni tarnikkullu sunniivigeqatigiinnermi ajornartorsiuteqarneq ilaalluni
  • Ileqqunut, malittarisassanut aamma killissanut paasinninnissamut sanngiitsoq/paasisimasaqanngitsoq
  • Inuiaqatigiinni akuunngitsoq/innarliisinnaasumik pissuseqartoq
  • Pinerlinnermik aamma atornerluisuunermik ajornartorsiuteqartoq
  • Avatangiisinut naleqqutinngitsumik pissuseqarneq aamma tapersersorneqarnissamut suliniuteqarfiunissamut immikkut ittumik neqeroorfigineqarnissamik pisariaqartitsisoq
  • Pitsaasunik ileqqoqanngitsoq aamma killissamik ujartuisoq
  • Pissutsimik aaqqiissuteqarnissamut tapersersorneqarnissamik suliniuteqartoqarnissaanillu pisariaqartitsineq
  • Meeraalluni/inuusuttuulluni misigissutsitigut annertuumik innarlerneqarsimaneq, taakkulu allat misigissusaannut, killissaannut pitsaasumillu ileqquinik sungiussinissamut aporfeqartitsillutik

Orpigaq qanoq suliffigaarput?

Meeqqat inuusuttullu isumassuisumik qanilaartumillu suliamik ilisimannilluta sullippagut.

Ataasiakkaarlutik ulluinnarmik aaqqissuussamik allanngoranngitsumik ukkatarinnittumillu siunissami ilinniagaqalerlutik suliffeqarnermilu akuulernissaannut neqeroorfigineqartarput, taamaalillutik imminnut upperinertik nutaanngortissinnaavaat ulluinnaallu sapinnginnissaannut periarfissaqarlutik siunissamik qaamanerusumik isiginnissinnaalissapput.

Meeqqat avatangiisiminnut naleqqutinngitsumik pissuseqartut taakkulu ajornartorsiutaat unammillissutaallu assigiinngitsut qanoq isumagissanerlugit ilisimasaqarfigingaatsiarpagut. Ataasiakkaat pisariaqartitaat ukkatarineqartarput aamma ulluinnarmut pitsaasumik sinaakkuteqarnissamut piumasaqaateqarpoq. Perorsaanermik suliaqarnitsinni pitsaasunik angusaqartarpugut.

Perorsaanermik suliaqarnitsinni ukuninnga suliaqartarpugut

  • aaqqissuussinernik sinaakkutinillu aalajangersimasunik
  • pitsaasunik pitsaanngitsunillu kinguneqartitsineq
  • ineriartornermi allanut atassuteqarneq
  • paasinnittarneq
  • angusaqarusunneq

Uku neqeroorutigaagut

  • Innersuussinissamut suliaqarnissaq sioqqullugu pisussaaffiliinngitsumik oqallisiginninneq. Suliamik isumaginnittut pisortatiguunngitsumik pisussaaffiliinngitsumillu oqaloqatiginninnissamut immaqalu inuusuttoq pillugu siunnersueqatigiinnissamut tikilluaqqusaajuaannarput – aamma naak tamanna Orpigamut inissiinermik inerneqassanngikkaluartoq. Inuusuttut ajornartorsiuteqangaatsiartut isumaginninnikkut perorsaanikkullu misilittagaqarfigingaatsiarpagut.
  • Innersuussinermi suliaqarnerup ingerlarnga erseqqissumik, attaveqatigiinnermik isumaqatigiissutillu ersarissumik peqqissaarussat
  • Angerlarsimaffiup avataanut inissiinermut atatillugu suliamik isumaginnittumut oqaloqatigiinnermik tunngaveqartumik suleqatigiinneq
  • Ingerlaavartumik nalunaarsuineq – matumani ICS-imi killimmik nalunaaruteqarneq
  • Ataasiakkaat pisariaqartitaanut atatillugu ataasiakkaanut aaqqiissuteqarnissat.

Orpigami sulinitsinni naleqartitagut

  • Isertuanngissuseq
  • Ataqqinninneq
  • Akuersaarneq
  • Uppernassuseq
  • Peqqissaarneq

Neqeroorutaasumut innersuunneqarneq

Innersuussinerit tamarmik kommune inissiisoq qanimut, pisussaaffiliisumik ataqqinnittumillu oqaloqatigiissuteqarfigineratigut isumagineqartarput. Inissiineq inuusuttoq pillugu suliatigut paasissutissanik naliliinermiittuaannarpoq. Innersuussisoqarnissaanik kissaateqarnerit massakkullu inissisimaffigisaq pillugu apeqqutaasinnaasut pillugit uunga saaffiginnittoqarsinnaavoq:

Trine Hounsgaard Pfeiffer

Akit

Akit qaammammut kr. 118.876 (2016-imi akit).

Aningaasat Danmarkimi allattoqarfimmit kommunimut akileqquneqassapput qaammatillu aallaqqaataani akilerneqartassalluni.

Orpigami suliffik

Orpigap qinnuteqaatit atorfimmut kajumissaaruteqanngitsut tigusinnaavai.

Qinnuteqaatit uunga nassiuguk:

 

Att. Forstanderi, Trine H. Pfeiffer

Orpigaq pillugu paasissutissat allat

Nittartakkamut uunga http://orpigaq.gl/ alakkarterinissannut tikilluaqqusaavutit

Tassani uku pillugu annerusumik atuagaqarsinnaavutit

  • Naammasserusutaq
  • Takorluugaq
  • Siulersuisut
  • Nakkutilliineq
  • Uppernarsaateqarneq sunniutillu
  • Perorsaaneq
  • Sinaakkutit
  • Ileqqorissaarnermi isiginninneq
  • Ulluinnaat aaqqissuunneqarnerat
  • Orpigami sulineq pillugu sukumiisumik nalunaarusiaq
  • Atassuteqarfissatut paasissutissat

Skriv en anmeldelse

Din anmeldelse
angry
crying
sleeping
smily
cool
Overfør

Din anmeldelse anbefales at være mindst 140 tegn lang :)